دعوة عامة
لازم صوتك يتسمع
زي ما كلنا عارفين، التحرش مشكلة كبيرة في مصر خاصة على مدى السنين الأخيرة في القاهرة انتشرت بشكل كبير. تقرير منظمة الأمم المتحدة للنساء بيقول: إن أكتر من 99% من الستات عانوا من التحرش خلال حياتهم في مصر وأكتر من 50% عانوا من التحرش بشكل يومي (كل يوم)
إحنا بنؤمن إن الوقت جه عشان الستات المصريات يشاركوا في اللي بيحصل. وبرده عشان نقول إن أسطورة إن الغلط عند الست دي مش صح وإن ده بيحصل لكل الستات من كل الطبقات والمستويات في المجتمع المصري. أياً كان هي لابسة إيه (بنطلون - حجاب- نقاب)
الهدف من الفيلم ده هو مشاركته على مواقع الانترنت عشان نساعد في التوصل لحل في الموضوع ده وده بدل ما بنلوم الضحية اللي هي الست نلوم فعلاً الشخص الحقيقي المسئول عن كده وهو الراجل.
إحنا محتاجين مساعدتكم
إحنا بندور على حوالي 25 ست مصرية من كل المستويات والطبقات الإجتماعية المختلفة، كل الأعمار، في كل منطقة فيكي يا قاهرة للمشاركة في الفيلم ده.
عايزين نتكلم معاكو عن خبرتكم في التحرش المقابلة هتكون عن اللي حصلكو، وإيه اللي غير فكرتكو عن التحرش وليه فيه تحرش كتير في مصر، وليه الرجالة شايفين إن عندهم الحق في إنهم يتحرشوا بالستات. وإيه هي الحلول وأي حاجة تانية تحبوا تضيفوها، والمقابلة هتكون زي الفيديو ده اللي إتعمل في المغرب.
ولو إنتي بتفضلي تتكلمي عن اللي حصلِك بس لسة حاسة إن عندك كتير تقوليه عن المشكلة فأهلاً ومرحباً بيكي معانا.
ليه يا ستات لازم تشاركوا؟
عشان وقت التغير جه. السكوت وتجاهل المتحرش ما خلاهمش يقفوا. تقارير الأمم المتحدة بتشير إلى إن 82.6% من الستات قالوا إنهم بيحسوا بإنعدام الأمن والأمان في الشوارع الوقت جه عشان تتكلمي وتخلي مصر أمان لكل الستات في مصر.
للمشاركة في الفيلم: هيكون من السبت 21 ديسمبر إلى الأربعاء 1 يناير
المقابلات هتكون من الساعة 5-8 مساءً في الدقي وهنبعتلكو العنوان بناءً على مشاركتوا في الفيلم
الفيلم هيكون بمساعدة منظمات إمسك متحرش, جمعية رسالة فرع مصدق في الدقي, هي .
المكان
المقابلات هتكون في جمعية رسالة فرع مصدق في الدقي في استديو في الدور التامن زي الصور اللي قدامكم. المقابلة هتستمر من 15 دقيقة لساعة وده هيعتمد على مدي مشاركتو والحكاية اللي حصلت معاكوا
إحنا فاهمين إن ده موضوع حساس، عشان كده لو عايزة تظهري بدون ذكر إنتي مين، مفيش مشكلة الكاميرا هتكون بعيدة عن وشك وهنستخدم النور عشان نخفي إنتي مين. زي المثال الموجود قدامكو على اليمين، وهنوريكي إزاي هيكون شكلك في الفيلم قبل ما نصور وهنسجل لما تكوني جاهزة.
المواعيد
وزي ما انتي شايفة، الوقت ضيق أوي، فياريت تبصي على جدول مواعيد المقابلات وابعتيلنا عشان نحدد معاكي معاد
| يوم السبت | يوم الحد | يوم الإثنين | يوم الثلاثاء | يوم الأربعاء | يوم الخميس | يوم الجمعة | Dec 21 5 5:30 6 6:30 7 7:30 |
Dec 22 5 5:30 6 6:30 7 7:30 |
Dec 23 5 5:30 6 6:30 7 7:30 |
Dec 24 5 5:30 6 6:30 7 7:30 |
Dec 25 أجازة |
Dec 26 أجازة |
Dec 27 أجازة |
|---|---|---|---|---|---|---|
| Dec 28 أجازة |
Dec 29 5 5:30 6 6:30 7 7:30 |
Dec 30 5 5:30 6 6:30 7 7:30 |
Dec 31 سنة جديدة 2014 |
Jan 1 5 5:30 6 6:30 7 7:30 |
Jan 2 أجازة |
Jan 3 أجازة |
السيرة الذاتية
تينا
أنا إسمي تينا فان لون. أنا مصورة أفلام وثائقية. حالياً باعمل ماجستير في هولندا قبل ما أبدأ دراستي الحالية قضيت نص السنة الأولى في مصر في القاهرة 2013 كنت بادرس عربي وباشتغل في مشاريع تصوير وأنا بصور في يوم قصة عن مولد السيدة زينب الصيف اللي فات، إتحرش بيا رجالة هناك، عشان كده التحرش بالنسبة لي شيء شخصي جداً وحصلي أنا كمان زيكو يا ستات مصر.
في بداية سنة 2013 أنا نشرت كتاب مصور عن ثقافة الهاسنبورا، وصورت حياة اللي ساكنين هناك في المناطق العشوائية في جابور بالهند- لمنظمة بلجيكية (NGO Opus III) وهما استخدمو الكتاب للتوعية بمشاكل الناس هناك وجمع تبرعات ليهم. من أعمالي السابقة كمان صور تسجلية عن حياة الفلسطينين وده كان عن فريق الجري للسيدات، وعن تجارة اللوزو حصاده، وقبائل البدو اللي بتواجه خطر الطرد وأوامر الهدم.
في الفيلم: أنا المنتج والمنظم ومصور الفيلم.
شروق
إسمي شروق خيري جميل، أنا مدرسة لغة عربية لغير الناطقين بها . أنا قابلت تينا في شركة عربية لتعليم العربية لغير الناطقين بها في يناير 2013، وتينا كانت طالبة عندي وبقينا إصحاب من ساعتها. قبل شغلي في عربية كنت باقدم برنامج أسبوعي في راديو مصر المحروسة التابع للمعهد المصري الديموقراطي وكنت بناقش الطريقة اللي إتعاملت بيها وسائل الإعلام مع ثورة يناير25 يناير2011. أنا كمان إشتغلت مترجمة عربي – إنجليزي / إنجليزي – عربي في مشروع تابع للمعونة الأمريكية، ومترجمة حرة لمنظمة الفاو التابعة للأمم المتحدة.
وخلال حياتي في القاهرة أنا شفت حالات تحرش كتير، منها في المكيروباص ومنها في المترو، وأنا تعبت من التحرش واللي بيحصل للستات المصريات، وأنا شايفة إن الوقت جه عشان نوقف التحرش في مصر
أنا هاكون المساعد المنظم، والمحاور، والمترجم
اتصل بنا
ولو عندك أي أسئلة إبعتيها على الإيميل ده :
hello@tinnevanloon.com